Våre kandidater

Odd Valland Bovim

1. kandidat, forhåndskumulert, til Kvam heradstyret for MDG, Odd er jurist og arbeider som advokat i Bergen. Småbarnsfaren bur på Norheim med kone, born og bonusborn. Han har slektsband til Kvam og i barndomen var han mykje på besøk i Øystese og på Kvamskogen. Han spelar klarinett i Øystese musikklag og elles når han finn tid. Politisk engasjert har Odd vore stort sett heile livet, han har politisk erfaring frå Flora bystyre, den samanslåtte kommunen Kinn og som nestleiar i Vestland MDG. Viktige saker for Odd er klima, nærings- og stadsutvikling.

Gry Svartveit

2. kandidat, forhåndskumulert, til Kvam heradstyret for MDG, Gry er lektor samfunnsfag og språk, og underviser ved Kvam vgs. Ho har ektefelle frå Ålvik og to vaksne søner, bur i Norheimsund. Båtturar under segl, sykling eller turgåing er fin fritid for henne. Ho har erfaring som frilansjournalist i lokalavisa HF, meddommar i Gulating lagmannsrett, frå styret i Naturvernforbundet i Kvam, Hardanger Seglklubb og Kvammabadet KS. Gry har interesse og sut for oppvekst og utdanning, økonomi, natur og miljø.

Øyvind Hildonen Teigland

3. kandidat, forhåndskumulert, til Kvam heradstyret for MDG, Øyvind er Kvam MDG sin ungdomskandidat. Han er oppvaksen på gard med sauedrift på Soldal. Han likar å reisa og oppleva nye stader. Denne våren har han fullført Vestland fylke sin Vg2-klasse studiespesialiserande ved St.Paul’s Lutherian High School i Concordia, Missouri i USA. Øyvind har vore mykje ute i naturen i samband med sauedrifta og med familien sin. Han er glad i styrketrening. Han har også sykla Noreg på langs! Då sykla han i 34 dagar, og erfarte at viljestyrke er viktigare enn å ha den mest fancy sykkelen. Politisk er Øyvind oppteken av utdanning, samferdsel og tilbod til born og unge.

Farhio Ahmed Sahal

4. kandidat, forhåndskumulert, til Kvam heradstyret for MDG, Farhia kom til Noreg som flyktning frå Somalia i 2012. I Noreg har ho teke utdanning som helsefagarbeidar, og arbeider no i Tolo-omsorg. Ho bur i Norheimsund saman med sonen sin på 6 år. Ho er oppteken av natur og miljø, spesielt godt likar ho vestlandsnaturen med snødekte fjell, vatn og grøne areal. Her i landet kjenner Farhia seg trygg og inkludert. På fritida likar ho å lesa gode historier og høyra på rap-musikk. Politisk brenn Farhia for helsepolitikk og psykisk helse.

Resten av valliste for Kvam MDG

5. til 15. kandidatar for Kvam MDG